خلطة نكات ع السريع مع خفة دم ع الاخر !

فرختين ماشيين الاولى معلقة بيضة على رقبتها فالتانية بتسألها :ايه البيضة دي ؟ قالتلها : دي صورتي وانا صغيرة

عربي وامريكي وياباني عرضوهم على جهاز كشف الكذب .
الياباني قال : احنا بنفكر نعمل انسان آلي ونستغني عن البشر ، الجهاز ضربه.

الامريكي قال: احنا بنفكر نطلع المريخ ونعمل مستوطنات عليه،الجهاز ضربه.

العربي قال : احنا بنفكر ... لسه مكملِِِِِش ، قام الجهاز ضربه .

واحد بلدياتنا فتح محل انابيب غاز ، فجّر انبوبتين في وسط البلد دعاية

اثنين محششين كانوا راجعين لبيت واحد فيهم . صاحب البيت ماسك السيجارة وقاعد يفتح فيها الباب فصاحبه بيقوله : انت حتفتح الباب بالسيجارة فقال : اه يبقى انا شربت المفتاح .

واحد بلدياتنا سأل واحدة اجنبية قالها : انت منين ؟ قالت له : وات؟ قالها : اجدع ناس الوتاوتة

مدرس بيسأل تلميذ : الثعلب بيبيض ولا بيولد ؟ التلميذ : اصل الثعلب ده مكار يا استاذ ، ممكن يعمل كل حاجة

واحد اجاه هبوط راح للدكتور كتبله على برشوت

واحد بلديتنا ركب دماغه ، داس طفل صغير

واحد عينوه مدير ملجـأ ايتام ،اول قرار اخذه : اجتماع اولياء امور